దుబాయ్: 18 ఏళ్ళ లోపున్న నలుగురు మైనర్లను పోలీసులు అదుపులోకి తీసుకున్నారు. వీరికి లైసెన్స్ లేదు. తమ తల్లిదండ్రుల కార్లను నిందితులు నడుపుతూ పట్టుబడ్డారు. అత్యంత ప్రమాదకరంగా నిందితులు వాహనాల్ని నడిపినట్లు పోలీసులు గుర్తించారు. అరెస్టయినవారంతా 13 నుంచి 16 ఏళ్ళ లోపువారే. హట్టా ప్రాంతంలో నిందితుల్ని అరెస్ట్ చేశారు. తమ పిల్లల విషయమై తల్లిదండ్రులు అప్రమత్తంగా వుండాలనీ, వారికి కార్లు అందనీయకుండా చేయాలని పోలీసు అధికారులు సూూచిస్తున్నారు. కాగా, లైసెన్సు లేకుండా వాహనాలు నడిపేవారికి 50,000 దిర్హాముల వరకు జరీమానా, మూడు నెలల వరకు జైలు శిక్ష విధించే అవకాశం వుంది.