రువిలోని ఓ రెసిడెన్షియల్‌ బిల్డింగ్‌లో అగ్ని ప్రమాదం సంభవించడంతో రెస్క్యూ సిబ్బంది సకాలంలో స్పందించి, 28 కుటుంబాల్ని ఆ భవనం నుంచి ఖాళీ చేయించారు. బుధవారం తెల్లవారు ఝామున ఈ ప్రమాదం జరిగింది. ఏం జరిగిందనేదానిపై ఇంకా స్పష్టత రావాల్సి ఉంది. సుమారు 2 గంటలపాటు ఫైర్‌ బ్రిగేడ్స్‌ అగ్ని కీలలతో పోరాటం చేశారు. ఈ ఘటనలో ఎవరూ గాయపడలేదు. గత వారం కూడా ముట్రాలో ఓ భవనం అగ్ని ప్రమాదానికి గురయ్యింది. రాయల్‌ ఒమన్‌ పోలీసులు వరుస అగ్ని ప్రమాదాలపై స్పందిస్తూ, భవనాల్ని నిర్మించడం, నిర్వహించడం వంటి విషయాల్లో అలక్షం ఈ ప్రమాదాలకు కారణంగా అభిప్రాయపడ్డారు. తగిన రక్షణ ఏర్పాట్లు చేయకపోవడంతో ప్రమాదాలు జరుగుతున్నాయనీ, హోటళ్ళు, పోర్టులు, బ్యాంకులు ఇతర ప్రముఖ భవనాల్లో భద్రతా చర్యల విషయంలో ఎప్పటికప్పుడు సమీక్ష జరుపుతున్నామని రాయల్‌ ఒమన్‌ పోలీస్‌ అసిసె&ంట్‌ జనరల్‌ మేనేజర్‌ ఫర్‌ ఆపరేషన్స్‌ కల్నల్‌ సైద్‌ అల్‌ అస్మి చెప్పారు.