కావలసిన పదార్ధాలు:

• బీన్స్ ముక్కలు    - 2 కప్పులు
• దాల్చిన చెక్క       - 1/2 అంగుళం ముక్క
• యాలకులు         - 3
• లవంగాలు           - 3
• కారం                  - 3/4 టీ స్పూను
• నూనె                  - 1 1/2 టేబుల్ స్పూను
• ఉప్పు                 - తగినంత

గ్రేవీ కోసం:

• ఉల్లిముక్కలు       - 1 కప్పు
• టమాటో ముక్కలు - 1 కప్పు
• అల్లం                 - అంగుళం ముక్క (సన్నగా తరగాలి)
• జీలకర్ర                - 3/4 టీ స్పూను
• మిరియాలు         - 4
• కరివేపాకు            - 6 రెబ్బలు
• కొత్తిమీర             – కట్ట

చేయు విధానం:

• బాణీలో టేబుల్ స్పూను నూనె వేసి ఉల్లిముక్కలు వేసి వేయించి, టొమాటొముక్కలు, ఉప్పు వేసి ఉడికించాలి.
• తర్వాత కారం వేసి ఓ రెండు నిమిషాలు వేయించి, చల్లారాక మిక్సీలో వేయాలి. వీటితో పాటు అల్లం, జీలకర్ర, కరివేపాకు, కొత్తిమీర, మిరియాలు, ఓ కప్పు నీళ్ళు పోసి మెత్తగా రుబ్బాలి.
• మరో బాణీలో మిగిలిన నూనె వేసి దాల్చిన చెక్క, లవంగాలు, యాలకులు వేసి ఓ నిమిషం వేయించాక బీన్స్ ముక్కలు వేసి ఉప్పు చల్లాలి.
• ఓ కప్పు నీళ్ళు పోసి మూతపెట్టి మధ్యమధ్యలో తిప్పుతూ ఉడికించాలి.
• ముక్కలు ఉడికిన తర్వాత రుబ్బిన మసాలా వేసి సిమ్ లో గ్రేవీ చిక్క బడేవరకూ ఉడికించి దించాలి.

------ వి.జానకి జ్యోతి, సింగపూర్.