దుబాయ్: దుబాయ్ కోర్టు ఆఫ్ అప్పీల్, కోర్టు ఆఫ్ ఫస్ట్ ఇనస్టాన్స్విధించిన జైలు శిక్షను సమర్థించింది. కేసు వివరాల్లోకి వెళితే, నలుగురు సభ్యుల ముఠా, 18 ఏళ్ళ లోపు వయసున్న ఓ మైనర్ బాలికను వ్యభిచార కూపంలోకి దింపేందుకు ప్రయత్నించింది. ఈ కేసులో నలుగురు ఆసియా వ్యక్తులకు మూడేళ్ళ జైలు శిక్ష విధించింది న్యాయస్థానం. అదే శిక్షను దుబాయ్ కోర్టు ఆఫ్ అప్పీల్ సమర్థించింది. గత అక్టోబరులో ఈ ఘటన జరిగింది. యాంటీ హ్యూమన్ ట్రాఫికింగ్ డిపార్టుమెంట్ - దుబాయ్ పోలీస్ తమకు అందిన సమాచారం మేరకు సోదాలు నిర్వహించి, మైనర్ బాలికను వ్యభిచార కూపంలోంచి కాపాడటం జరిగింది. బాధితుల ఆర్థిక అవసరాల్ని గుర్తించి, వారిని ఈ కూపంలోకి లాగుతున్నట్లు నిందితుల్లో ఒకరు విచారణ సందర్భంగా అంగీకరించినట్లు అధికారులు తెలిపారు.