రియాద్: మినిస్ట్రీ ఆఫ్ హజ్ మరియు ఉమ్రా, 70 ఏళ్ళు పైబడిన వారికి (సౌదీలో వున్నవారికి మాత్రమే) ఉమ్రా ప్రార్థనల కోసం అనుమతులు ఇవ్వనున్నట్లు వెల్లడించింది. అయితే, ఉమ్రా యాత్ర చేయాలనుకుంటున్న వృద్ధులకు పూర్తి వ్యాక్సినేషన్ జరిగి వుండాలి. ఈత్‌మర్నా మరియు తవకల్నా అప్లికేషన్ల ద్వారా అనుమతుల కోసం దరఖాస్తు చేసుకోవాల్సి వుంటుంది. గతంలో 18 నుంచి 70 ఏళ్ళ మధ్య వయసువారికి మాత్రమే ఉమ్రా యాత్రకు అనుమతిస్తూ సౌదీ ప్రభుత్వం నిర్ణయం తీసుకుంది. కరోనా పాండమిక్ నేపథ్యంలో పలు రకాల షరతులతో ఉమ్రా యాత్రలకు అనుమతిస్తున్నారు.