ల‌ద్దాఖ్: గ‌త కొంత‌కాలంగా ల‌ద్దాఖ్ స‌రిహ‌ద్దుల్లో ఇండియా-చైనా దేశాల మ‌ధ్య ఉద్రిక్త‌క‌ర‌మైన ప‌రిస్థితులు నెల‌కొన్న సంగ‌తి తెలిసిందే.ఈ నెప‌థ్యంలో ఇండియా తూర్పు ల‌ద్దాఖ్ లో అధునాతమైన ఆయుధాల‌ను మోహ‌రిస్తూ వ‌స్తోంది.ఇందులో భాగంగా ఇప్పుడు ఇండియ‌న్ ఆర్మీ చేతికి ఓ అధునాత‌న‌మైన ఆయుధం ల‌భించింది. ఫార్వార్డ్ ఏరియాల్లో తొలిసారిగా కే9  వ‌జ్ర అనే శ‌త‌ఘ్న‌ల‌ను మోహ‌రించారు.ఈ కే 9 వ‌జ్ర శ‌త‌ఘ్న‌లు 50 కిలోమీట‌ర్ల దూరంలో ఉన్న శ‌తృ స్థావ‌రాల‌ను ద్వంసం చేయ‌గ‌ల శ‌క్తిని క‌లిగి ఉంటాయి.ఈ శ‌త‌ఘ్న‌లు అత్యంత ఎత్తైన ప్రాంతాల్లోనూ ఇవి ప‌నిచేస్తాయ‌ని అధికారులు చెబుతున్నారు.వీటిని 2018లో సైన్యంలో ప్ర‌వేశ‌పెట్టారు.మేక్ ఇన్ ఇండియా కార్య‌క్ర‌మంలో భాగంగా వీటిని గుజ‌రాత్‌లోని ఎల్ అండ్ టీ త‌యారు చేస్తున్న‌ది.ఈ శ‌త‌ఘ్న‌లు 47 కేజీల బాంబుల‌ను పేల్చే సామ‌ర్థ్యం క‌లిగి ఉంటాయని నిపుణులు చెబుతున్నారు.