యూఏఈ: డిటెక్టివ్ రోబో టాక్ అనే రోబోటిక్ పోలీస్ అధికారి ఉమ్ అల్ కొవైన్ పోలీస్ విభాగంలో కొత్తగా చేరారు. పిల్లలపై నేరాల్ని ఈ రోబోటిక్ అధికారి విచారిస్తారు. ఎక్స్‌పో 2020 దుబాయ్ ప్రారంభ సమయంలో ఈ ప్రాజెక్టును కూడా ఉమ్ అల్ కొవైన్ పోలీస్ జనరల్ కమాండ్ ప్రారంభించడం జరిగింది. ఉమ్ అల్ కొవైన్ స్మార్ట్ గవర్నమెంట్, డిపార్ట్‌మెంట్ సహకారంతో దీన్ని ఏర్పాటు చేశారు. ఉమ్ అల్ కొవైన్ పోలీస్ కమాండర్ ఇన్ ఛీఫ్ మేజర్ జనరల్ షేక్ రషీద్ బిన్ అహ్మద్ అల్ మువల్లా తొలి జాబ్ కార్డును రోబోటాక్ డిటెక్టివ్‌కి అందించారు. అక్టోబర్ 3న ఈ రోబోట్ తన పని మొదలుపెట్టింది. మూడేళ్ల పాటు తీసుకున్న శిక్షణలో అద్భుతమైన పని తీరు కనబర్చింది.