బహ్రెయిన్: దక్షిణ ప్రాంత మునిసిపాలిటీ ప్రారంభించిన 'మున్సిపాలిటీ సర్వీస్ ఎట్ యువర్ డోర్ స్టెప్' సెప్టెంబర్ 2021 వరకు విజయవంతంగా 300 లావాదేవీలను పూర్తి చేసింది. వినియోగదారులకు ఇబ్బంది లేని సేవలను అందించడం, వారి సమయాన్ని ఆదా చేయడం లక్ష్యంగా ఈసేవలు మొదలుపెట్టినట్టు మున్సిపల్ అధికారులు తెలిపారు. మున్సిపల్ లైసెన్స్, ఫిర్యాదులు, విద్యుత్ కోసం దరఖాస్తులు, బిల్డింగ్ పర్మిట్లు సహా 16 సేవలను మొబైల్ యూనిట్ ద్వారా దక్షిణ మునిసిపాలిటీ అందిస్తుంది. వృద్ధులు, జబ్బుపడినవారు, గర్భిణీ స్త్రీలు, వికలాంగులకు సహాయం చేయడానికి పురపాలక సంఘం గత ఏడాది మేలో సేవలను ప్రారంభించింది. మున్సిపల్ సేవలు ఇంటి వద్దనే పొందడానికి 17986304 లేదా 17986040 కి కాల్ చేయాలని అధికారులు తెలిపారు.