సౌదీ అరేబియా: తౌఫిక్ అల్ రబియా కొత్త హజ్ మంత్రిగా నియమితులయ్యారు. ఆయన ప్రస్తుతం చూస్తున్న హెల్త్ మినిస్టర్ బాధ్యతల నుంచి రిలీవ్ చేశారు. సౌదీ అరేబియా రాజు సల్మాన్ బిన్ అబ్దులాజీజ్ అల్ సౌద్ ఈ మేరకు ఉత్తర్వులు జారీ చేసినట్లు స్థానిక మీడియా శుక్రవారం తెలిపింది. అలాగే యాన్బు, ఉమ్లుజ్, అల్ వాజ్, దుబా ప్రాంతాల అభివృద్ధిని పర్యవేక్షించే కొత్త సంస్థను ఏర్పాటు చేయాలని రాజు ఆదేశించారు. కొత్త సంస్థకు యువరాజు మహ్మద్ బిన్ సల్మాన్ అధ్యక్షత వహిస్తారని స్థానిక మీడియా పేర్కొంది.