అమరావతి: రాజ్యాంగబద్ధ పదవుల్లో ఉన్నవారిని దూషించకూడదన్నారు డీజీపీ సవాంగ్. టీడీపీ కార్యాలయంపై జరిగిన దాడిపై కాకుండా.. కేవలం పట్టాభి వాడిన భాషపైనే గౌతమ్‌ సవాంగ్‌ ఎక్కువగా కామెంట్ చేశారు. అలాంటి భాషను గతంలో ఎప్పుడూ వాడలేదని చెప్పుకొచ్చారు. అభ్యంతరకర పదాలను పదేపదే వాడారని, ఉద్దేశపూర్వకంగానే అలాంటి భాషను ఉపయోగించారన్నారు సవాంగ్. ఇక చంద్రబాబు డీజీపీకి చేసిన ఫోన్‌ కాల్ గురించి డీజీపీ క్లారిటీ ఇచ్చారు. నిన్న తెలియని నెంబర్‌ నుంచి వాట్సప్‌ కాల్ వచ్చిందని, పరేడ్‌ గ్రౌండ్‌లో ఉన్న కారణంగా ఎవరు మాట్లాడుతున్నారో స్పష్టంగా వినిపించలేదన్నారు.