రష్యాలో శనివారం ఉదయం విమాన ప్రమాదం జరిగిన విషయం తెలిసిందే. ఈ ఘటనలో ఇద్దరు భారతీయులు మృతిచెందినట్లు ఫ్లైదుబాయ్‌ ఎయిర్‌లైన్స్‌ వెల్లడించింది. దుబాయ్‌లోని ఫ్లైదుబాయ్‌ ఎయిర్‌లైన్స్‌కు చెందిన ఓ ప్యాసింజర్‌ విమానం రష్యాలోని రోస్తవ్‌ విమానాశ్రయంలో దిగుతుండగా కుప్పకూలిపోయింది. విమానంలో మంటలు చెలరేగడంతో ప్రమాదం జరిగిందని అధికారులు తెలిపారు. ఈ ప్రమాదంలో ఏడుగురు సిబ్బంది సహా 61 మంది మృతిచెంచారు. కాగా.. ఇందులో ఇద్దరు భారతీయులు ఉన్నారు.