మస్కట్: దేశ నిర్మాణంలో భాగం పంచుకుంటున్న ప్రవాస కార్మికుల సంక్షేమం తమకు ప్రధానమని ప్రభుత్వం ప్రకటించింది. ఇందులో భాగంగా ప్రతి ప్రవాస కార్మికునికి వ్యాక్సిన్ వేసేందుకు చర్యలు చేపట్టింది. సోమవారం నాడు సౌత్ అల్ బటిన్ లో వ్యాక్సినేషన్ ప్రక్రియ కొనసాగుతుందని తెలిపింది. అస్ట్రాజెనికా వ్యాక్సిన్ ను అందుబాటులో ఉంచామని ప్రతి ప్రవాస కార్మికుడు ఈ అవకాశాన్ని వినియోగించుకోవాలని కోరింది. బార్కా, రుస్తాన్ లోని మెడికల్ ఫిట్ నెస్ సెంటర్ లో కూడా ఆస్ట్రాజెనికా వ్యాక్సిన్ ఉంటుందని హెల్త్ డిపార్ట్ మెంట్ అధికారులు ప్రకటించారు.