యూఏఈ: రస్ అల్ ఖైమాలో రిజిస్ట్రేషన్ గడువు ముగిసిన వాహనాలను గుర్తించేందుకు ట్రాఫిక్ కెమెరాలను వినియోగించనున్నారు. ఆదివారం నుంచి ప్రారంభమైన ఈ ప్రక్రియలో భాగంగా వాహనాల రిజిస్ట్రేషన్ గడువు, ఇన్సూరెన్స్ లతోపాటు లైసెన్స్ గడవు తదితర అన్ని విషయాలను ట్రాఫిక్ కెమెరాలతో పరిశీలించనున్నట్లు ట్రాఫిక్ విభాగం అధికారులు వెల్లడించారు. నిబంధనల ఉల్లంఘనకు పాల్పడే వారిపై ఫెడరల్ ట్రాఫిక్ చట్టం ప్రకారం 500 దిర్హామ్స్ జరిమానా, నాలుగు బ్లాక్ పాయింట్లు విధించబడతాయన్నారు. ఎమిరేట్‌లోని అంతర్గత, బాహ్య రహదారులపై ఈ విధానాన్ని పర్యవేక్షించేందుకు అనువుగా ట్రాఫిక్ కెమెరాలను అప్ డేట్ చేసినట్టు అధికారులు తెలిపారు.