పవన్‌కల్యాణ్‌ కథానాయకుడిగా నటించిన 'సర్దార్‌ గబ్బర్‌సింగ్‌' చిత్రం ఆడియోను ఆదివారం విడుదల చేసిన సంగతి తెలిసిందే. ఈ ఆడియోకు ముఖ్య అతిథిగా హాజరైన హీరో చిరంజీవి తన తమ్ముడు పవన్‌ కల్యాణ్‌ను ఉద్దేశించి మాట్లాడారు. అదేవిధంగా పవన్‌ సైతం అన్నయ్యతో తనకున్న బంధాన్ని గుర్తు చేసుకున్నారు. ఈ విషయంపై దర్శకుడు రామ్‌గోపాల్‌ వర్మ తనదైన శైలిలో ట్విట్టర్‌లో స్పందించారు. వర్మ ఏమన్నారంటే.. 'పవన్‌కల్యాణ్‌ మాటల్లో సహజత్వం కన్పించగా, చిరంజీవి ప్రసంగం శక్తివంతంగా, సహజత్వానికి దగ్గరగా ఉన్నట్లు అనిపించింది. కానీ సందర్భానికి తగ్గట్టు అన్నదమ్ముల అనుబంధం. మెగాపవర్‌ఫుల్‌గా వేదికపై ప్రస్పుటమైంది.సర్దార్‌ గబ్బర్‌సింగ్‌ ట్రైలర్‌పై కూడా ఆయన చురుక్కులు, ఛమక్కులు విసిరారు. 'మంచికి దగ్గరగా, అద్భుతానికి చేరువగా... అతిశయానికి అతి సామాన్యంగా ఉంది కానీ బ్రహ్మండంగా ఉందంటూ చివరి జై పవన్‌ కల్యాణ్‌' అంటూ ట్వీట్‌ ముగించారు