దుబాయ్ లో  ఆసియా దేశానికి చెందిన  5 ఏళ్ల బాలుడి  తలపై పాలరాయి ముక్క విరిగి పడటంతో ఆ చిన్నారీ అనూహ్యంగా మరణించిన సంఘటన స్థానికులను కలవరపరచింది. 'అల్ బయాన్' తెలిపిన వివరాల ప్రకారం శుక్రవారం ఒక పార్టీకు తనతల్లిదండ్రులతో వెళ్ళిన ఆ బాలుడు వారికి దూరంగా వెళ్ళి ఆటలలో నిమగ్నమయ్యాడు. ఇదే సమయంలో  పెద్ద పాలరాయి ముక్క తన తలపై పడిపోయిందని  ఆల్ బర్ష  పోలీస్ స్టేషన్  డైరెక్టర్ కల్నల్ యూసుఫ్ అల్ ఓడిది తెలిపారు.బాలుని తలకు  తీవ్రమైన గాయం కావడంతో అంబులెన్స్ లో  పిల్లల ఆసుపత్రికి తరలించే యత్నంలో  మార్గ మధ్యలోనే ఆ బాలుడు  మరణించాడని , కల్నల్ ఓడిది చెప్పారు. కాగా ఈ ప్రమాదంపై తాము పరిశోధన జరపగా ఈ సంఘటన అనుకోకుండా జరిగిందని విచారణలో తేలినట్లు ఆయన వివరించారు. హోటల్లో జరిగిన ఈ ప్రమాదంలో ఏదైనా తెలియని మరో కోణం ఉందా అని తాము  నిఘా కెమెరా లోని గడిచిన సంఘటనకు సంబంధించిన వీడియో టేప్ లను అధ్యయనం చేసి ఏ ఒక్కరి ప్రమేయం లేదనిమ బాలుడు తనకు తానే ప్రమాదంలో పడినట్లు తేట తెల్లమయందని కల్నల్ అల్ ఓడిది పేర్కొన్నారు. ఈ సంఘటన ఒక ప్రార్థనా స్థలాల వద్ద జరిగినట్లుగా కొందరు కుటుంబ సభ్యులు ఆరోపించిన సంగతిని ఆయన ఈ సందర్భంగా ఖండించారు. ఉద్యోగులకు కంపెనీ నిర్వహించిన పార్టీలో స్నేహితులతో ఊరి బయట ఉన్న హోటల్ లో పార్టీ జరిగినట్లు ఆయన తెలిపారు. తమ  పిల్లవాడికి శవపరీక్ష నిరాకరించిన తండ్రి తొలుత అంగీకరించకపోయినా చివరకు తమ బిడ్డ మృతదేహాన్ని సాధ్యమైనంత త్వరగా అప్పగించాలని అభ్యర్థించినట్లు పోలీస్ అధికారులు తెలిపారు. కాగా ముద్దులోకికే 5 ఏళ్ల బాలుడి అర్ధంతరంగా చనిపోవడాన్ని జీర్ణించుకోలేని ఆ  తల్లిని ఓదార్చటం ఎవరికీ సాధ్యం కావడం లేదు. చట్టపరమైన లాంఛనాలను పూర్తి కాగానే ఆ బాలుడి పార్ధివ శరీరాన్ని వారికి ఇవ్వనున్నట్లు తెలిపారు. ఈ  దుర్ఘటనలో చనిపోయిన బాలుడు దుబాయ్ లో ఒక ప్రైవేట్ పాఠశాల విద్యార్థి. కాగా పాఠశాల యాజమాన్యం బాలుని కుటుంబసభ్యులకు తీవ్ర సంతాపాన్ని తెలిపారు.