మస్కట్ :  యూనైటెడ్ నేషన్స్ (UN) లో ఒమన్ సభ్య దేశంగా చేరి 50 ఏళ్లు అయ్యింది. ఈ సందర్భాన్ని పురస్కరించుకొని ఒమన్ విదేశాంగ మంత్రిత్వ శాఖ, ఒమన్ పోస్ట్ తో కలిసి కొత్త స్టాంప్ ను రిలీజ్ చేసింది. ఒమన్ విదేశాంగ శాఖ కార్యాలయంలో జరిగిన ఈ సమావేశంలో విదేశాంగ మంత్రి సయ్యద్ బదర్ హమద్ అల్ బుసాయిదీ, రవాణా, కమ్యూనికేషన్స్ అండ్ ఇన్ఫర్మేషన్ టెక్నాలజీ మంత్రి హమూద్ అల్ మవాలీ,  ఒమన్ పోస్ట్ ప్రతినిధులు, విదేశాంగ మంత్రిత్వ శాఖ అధికారులు పాల్గొన్నారు.  అక్టోబర్ 8,1971న న్యూయార్క్‌లోని ఐక్యరాజ్యసమితి ప్రధాన కార్యాలయంలో 131 వ సభ్య దేశంగా ఒమన్ చేరింది. ఈ సందర్భంగా అప్పటి  ఒమన్ పాలకుడు సయ్యద్ తారిక్ బిన్ తైమూర్ అల్ సయీద్ దేశ జెండాను ఎగురవేసి, ప్రసంగించారు. ఆనాటి ఆయన ప్రసంగం ఫోటోతోనే స్టాంప్ ను రిలీజ్ చేశారు.