యూఏఈ: యూఏఈలోని అజ్ మన్ వాసులు ఎవరైతే ట్రాఫిక్ ఉల్లంఘనలకు పాల్పడ్డారో వారికి ట్రాఫిక్ పోలీసులు స్పెషల్ ఆఫర్ ప్రకటించారు. ట్రాఫిక్ వాయిలేషన్స్ కారణంగా విధించిన ఫైన్ లో 50 శాతం మాఫీ చేస్తున్నట్లు ప్రకటించారు. నవంబర్ 21 నుంచి డిసెంబర్ 31 వరకు 40 రోజుల పాటు ఈ అవకాశం ఉంటుందని తెలిపారు. ఎవరైతే ఫైన్స్ కట్టాల్సి ఉందో వారంతా ఈ అవకాశాన్ని వినియోగించుకోవాలని ట్రాఫిక్ పోలీసులు కోరారు. యూఏఈ గోల్డెన్ జూబ్లీ ఉత్సవాల్లో భాగంగా ఈ స్పెషల్ ఆఫర్ ఇస్తున్నట్లు ట్రాఫిక్ పోలీసులు ప్రకటించారు. బ్లాక్ పాయింట్లను తగ్గించుకోవటంతో పాటు సీజ్ చేసిన వెహికల్స్ ను కూడా రిలీజ్ చేయనున్నారు. నవంబర్ 14 కు ముందు వరకు ట్రాఫిక్ వాయిలేటర్స్ కు మాత్రమే ఈ అవకాశం ఉంది. ఐతే ప్రమాదకరంగా డ్రైవింగ్ చేస్తూ ఇతరుల ప్రాణాలను రిస్క్ లో పెట్టిన వారికి, వెహికల్ ఇంజిన్ చాసిస్ ను మార్చిన వారికి మాత్రం ఆఫర్ వర్తించదని స్పష్టం చేశారు.