యూఏఈ: ట్రాఫిక్ జరీమానాల విషయమై వాహనదారులపై పడుతున్న ఆర్థిక భారాన్ని తగ్గించేందుకోసం షార్జా మరియు అజ్మన్‌లలో 50 శాతం డిస్కౌంట్ ప్రకటించారు. ట్రాఫిక్ జరీమానాల ఉద్దేశ్యం, ట్రాఫిక్ నిబంధనల్ని పాటించడమే తప్ప, వాహనారులపై ఆర్థిక భారం మోపడం కాదు. కాగా, షార్జా మోటరిస్టులు నవంబర్ 21 (2021) నుంచి జనవరి 31 (2022) మధ్య డిస్కౌంట్లను పొందవచ్చు. అజ్మన్‌లో అయితే నవంబర్ 21 నుంచి డిసెంబర్ 31 వరకు అంటే నలభై రోజులపాటు డిస్కౌంటుని వినియోగించుకోవచ్చు. అన్ని ఉల్లంఘనలకూ ఈ డిస్కౌంట్ వర్తించదు. షార్జాలో నవంబర్ 21కి ముందు జారీ అయిన జరీమానాలకే డిస్కౌంట్ వర్తిస్తుంది. నవంబర్ 14 ముందు నమోదైన జరీమానాలకు అజ్మన్‌లో డిస్కౌంట్ వర్తిస్తుంది. రెడ్ సిగ్నల్ జంపింగ్, నిర్లక్ష్యపూరిత డ్రైవింగ్ వంటి ఉల్లంఘనలకు షార్జాలో జరీమానా డిస్కౌంట్ లభించదు. నిర్లక్ష్యపూరిత డ్రైవింగ్, లైసెన్సు లేకుండా వాహన ఇంజిన్ మార్పుకి సంబంధించిన ఉల్లంఘనలపై జరీమానాలకు డిస్కౌంట్ అజ్మన్‌లో వర్తించదు.

--బాలాజీ(మాగల్ఫ్ ప్రతినిధి,యూఏఈ)