కువైట్: డ్రైవింగ్ లైసెన్సుకి సంబంధించి హార్డ్ కాపీ మాత్రమే పని చేస్తుందనీ, 'మై కువైట్' మొబైల్ ఐడీ యాప్ ద్వారా చూపించే డిజిటల్ డ్రైవింగ్ లైసెన్స్ చెల్లుబాటు కాదనీ మినిస్ట్రీ ఆఫ్ ఇంటీరియర్ ఇటీవల ప్రకటించిన సంగతి తెలిసిందే. అయితే, తాజాగా ఈ విషయమై మినిస్ట్రీ స్పష్టతనిచ్చింది. మై కువైట్ మొబైల్ ఐడీ యాప్ ద్వారా డిజిటల్ ఐడీ చెల్లుబాటవుతుందని మినిస్ట్రీ పేర్కొంది. క్యాబినెట్ నిర్ణయం మేరకు జనరల్ ట్రాఫిక్ డిపార్టుమెంట్ జారీ చేసిన డిజిటల్ డ్రైవింగ్ లైసెన్స్.. భౌతిక డ్రైవింగ్ లైసెన్సులానే చెల్లుబాటు కానుంది.