యూఏఈ రాజధానిలో నివసించేవారికి ఉచిత పార్కింగ్, జాతీయ దినోత్సవ సెలవు దినాల్లో వర్తిస్తుంది. బుధవారం (డిసెంబర్ 1) నుంచి ఇది వర్తించనుంది. ఇంటిగ్రేటెడ్ ట్రాన్స్‌పోర్ట్ సెంటర్ - డిపార్టుమెంట్ ఆఫ్ మునిసిపాలిటీస్ మరియు ట్రాన్స్‌పోర్ట్ అబుధాబి ఈ విషయాన్ని వెల్లడించింది. డిసెంబర్ 1 అలాగే డిసెంబర్ 2న ఈ ఉచిత పార్కింగ్ అలాగే టోల్ ఫీజు రద్దు వర్తించనుంది. డిసెంబర్ 3 ఉదయం 7.59 నిమిషాల నుంచి తిరిగి పెయిడ్ పార్కింగ్ మొదలవుతుంది. ముసాఫా పారిశ్రామిక ప్రాంతానికి కూడా ఈ వెసులుబాటు వర్తిస్తుంది. నేషనల్ డే సందర్భంగా మావాకిఫ్ నిబంధనల్ని పాటించాలని ఐసిటి సూచించింది. వాహనాల్ని నిషేధిత ప్రాంతాల్లో పార్కింగ్ చేయరాదు.