యూఏఈ: ఫ్రాన్స్ నుంచి 80 రాఫెల్ ఫైటర్ జెట్ లను కొనేందుకు యూఏఈ భారీ అగ్రిమెంట్ చేసుకుంది. దీంతో యూఏఈ ఎయిర్ ఫోర్స్ మరింత బలోపేతం కానుంది. ఈ ఒప్పందం విలువ 66 బిలియన్ దిర్హాములు(16 బిలియన్ యూరోలు) కావడం విశేషం.యూఏఈ-ఫ్రాన్స్ మధ్య జరిగిన ఈ ఒప్పందం చారిత్రాత్మకమని, ఇప్పటి వరకు ఫ్రాన్స్ కు ఇదే అతిపెద్ద ఆయుధ ఎక్స్ పోర్ట్ అగ్రిమెంట్ అని ఫ్రాన్స్ కొనియాడింది. ఫ్రెంచ్ ప్రెసిడెంట్ ఇమ్మాన్యుయేల్ మాక్రాన్ దుబాయ్ ఎక్స్ పో 2020 విజిట్ చేసిన సందర్భంగా ఈ ఒప్పందం జరిగింది. ఫ్రాన్స్ కు చెందిన డస్సాల్ట్ ఏవియేషన్ తయారు చేస్తున్న ఈ ఫైటర్ జెట్స్ 2026-2031 మధ్య యూఏఈ ఎయిర్ ఫోర్స్ చేతికి విడతల వారిగా అందనున్నాయి. దీంతో ఫ్రాన్స్ తర్వాత రాఫెల్ ఎఫ్4 ఫైటర్స్ జెట్స్ వాడే తొలి దేశంగా యూఏఈ నిలబడనుంది.