దుబాయ్: 2022 సంవత్సరానికి స్వాగతం పలికేందుకు అత్యద్భుతమైన ఏర్పాట్లను చేసినట్లు ఎమార్ సంస్థ వెల్లడించింది. డౌన్ టౌన్ దుబాయ్ వద్ద లేజర్ వెలుగులతోపాటు అత్యద్భుతమైన ఫైర్ వర్క్స్ సందర్శకుల్ని సంభ్రమాశ్చర్యాలకు గురిచేయనున్నాయి. మ్యూజికల్ ఈవెంట్ కూడా నిర్వహించనున్నారు. అర్థరాత్రి 12 గంటలకు అత్యద్భుతమైన ‘షో’ని డిజైన్ చేశారు. ఆన్ లైన్ వేదికగా ఈ అద్భుతమైన వేడుకల్ని ప్రపంచ వ్యాప్తంగా ప్రతి ఒక్కరూ తిలకించవచ్చు. mydubainewyear.com ద్వారా లైవ్ స్ట్రీమింగ్ వుంటుంది. గడచిన యాభయ్యేళ్ళలో యూఏఈ సాధించిన విజయాలకు గుర్తుగా ఈ ఏడాది న్యూ ఇయర్ వేడుకల్ని అంగరంగ వైభవంగా నిర్వహిస్తున్నట్లు ఎమార్ వ్యవస్థాపకుడు మొహమ్మద్ అలబ్బర్ చెప్పారు.