సౌదీ అరేబియా: సౌదీలో పనిచేసే కార్మికులకు గుడ్ న్యూస్. లేబర్ వర్క్ పెనాల్టీ చట్టాన్ని సౌదీ ప్రభుత్వం ఆమోదించింది.దీంతో పనిచేసే చోట కార్మికులకు సరైన భద్రత, ఆరోగ్య సంరక్షణ చర్యలు చేపట్టని సంస్థలకు భారీగా ఫైన్ విధించనున్నారు.ఇందుకు సంబంధించిన పూర్తి వివరాలను మానవ వనరులు, సామాజిక అభివృద్ధి మంత్రి (MHRSD) అహ్మద్ అల్-రాజి వెల్లడించారు.ఉద్యోగుల సంఖ్య ఆధారంగా నిబంధనలను మూడు కేటగిరీలుగా విభజించారు. తొలి కేటగిరీగా 51 మంది ఉద్యోగులతో కూడిన సంస్థలు,రెండవ దాంట్లో 11 నుండి 50 మంది వరకు ఎంప్లాయిస్, మూడో కేటగిరీ కింద కనీసం 10 మంది ఉద్యోగులతో కూడిన సంస్థలను చేర్చారు. కొత్త నిబంధనల ప్రకారం నిర్దేశించిన రక్షణ, భద్రత, ఆరోగ్య సంరక్షణ చర్యలను కంపెనీ మేనేజ్మెంట్ పాటించడంలో విఫలమైతే భారీగా ఫైన్ విధిస్తారు.మొదటి కేటగిరీ కంపెనీలకైతే 10,000 రియాల్,రెండవ గ్రూప్ కంపెనీలకు 5,000 రియాలు, మూడో కేటగిరీ లో ఉన్న  కంపెనీలకు 2,500 రియాల్  ఫైన్ వేస్తారు. కోఆపరేటివ్ హెల్త్ లా ప్రకారం...ఎంప్లాయికి, అతని కుటుంబ సభ్యులకు మెడికల్ బీమాను అందించకపోతే కేటగిరీని బట్టి కంపెనీలకు 10,000-3,000 వరకు ఫైన్ విధించనున్నారు.15 సంవత్సరాల కంటే తక్కువ వయస్సు ఉన్న పిల్లలను పనిలో పెట్టుకుంటే 20,000 నుంచి 10,000 రియాల వరకు ఫైన్ వేయనున్నారు. డెలివరీ తర్వాత మొదటి ఆరు వారాల్లో మహిళను పనిలో పెట్టుకుంటే 10,000 రియాలు ఫైన్ వేయాలని తాజాగా నిర్ణయించారు.