బహ్రెయిన్:  విస్తృత ప్రజాదరణ పొందిన బాటెల్కో ఫిట్‌నెస్ ఆన్ ట్రాక్ ప్రోగ్రామ్ (బహ్రెయిన్ ఇంటర్నేషనల్ సర్క్యూట్ (BIC) ) తిరిగి వచ్చింది. ఫార్ములా 1 గ్రాండ్ ప్రిక్స్ సర్క్యూట్‌ లో నిర్వహించే ఈ ప్రోగ్రామ్ లో రన్నర్లు,  సైక్లిస్ట్ లు పాల్గొనవచ్చు. ఈ ప్రోగ్రామ్ లో పాల్గొనాలనుకునే వారందరూ BIC యొక్క అధికారిక వెబ్‌సైట్‌లో ముందుగా తమ పేర్లను నమోదు చేసుకోవాలి. సైక్లిస్టులకు BD2, రన్నర్లకు BD1 చొప్పున ఎంట్రీ ఫీని నిర్ణయించారు. ఎంట్రీ ఫీ కట్టిన వారి పిల్లలకు (12 ఏళ్లలోపు) ఉచితంగా అనుమతి ఇవ్వనున్నారు. మంగళవారం సాయంత్రం 6 గంటల నుంచి రాత్రి 10 గంటల వరకు సాగే ఈ ఫిట్ నెస్ ప్రోగ్రామ్ లో పాల్గొని తమ హెల్త్ ని మెరుగుపరుచుకోవాలని నిర్వాహకులు సూచించారు.