కువైట్ సిటీ: షేక్ జబెర్ బ్రిడ్జి వద్దనున్న వ్యాక్సినేషన్ కేంద్రంలో సోమవారం నుంచి (డిసెంబర్ 27) బూస్టర్ డోసు ఇవ్వనున్నారు. ఆరు నెలల క్రితం రెండో డోస్ పూర్తి చేసుకున్నవారికి ఈ బూస్టర్ డోస్ అందిస్తారు. వారంలో అన్ని రోజులూ ఈ కేంద్రంలో వ్యాక్సినేషన్ జరుగుతుంది. శనివారం మాత్రం సాయంత్రం 4 గంటల నుంచి రాత్రి 10 గంటల వరకు మాత్రమే వ్యాక్సినేషన్ చేస్తారు. ఈ కేంద్రం వద్ద ముందస్తు అపాయింట్మెంట్ అవసరం లేకుండానే వ్యాక్సినేషన్ చేయడం జరుగుతుంది.