అబుధాబి: కోవిడ్ 19 కొత్త నిబంధనల్ని అబుధాబి ప్రకటించింది. ఇండోర్ మరియు ఔట్‌డోర్ కార్యక్రమాలకు సంబంధించిన స్పష్టమైన నిబంధనల్ని కొత్తగా పేర్కొన్నారు. రోజువారీ పెరుగుతున్న కోవిడ్ 19 కేసుల నియంత్రణలో భాగంగా ఈ చర్యలు చేపడుతున్నారు. పెళ్ళిళ్ళు అంతర్యక్రియలు, కుటుంబ పరమైన కార్యక్రమాలకు అత్యధికంగా 60 శాతం సామర్థ్యంతోనే అనుమతిస్తారు. ఇండోర్ ఈవెంట్ల కోసం 50 మందిని మాత్రమే అనుమతిస్తారు. ఔట్ డోర్ ఈవెంట్లకు 150 మంది కంటే ఎక్కువమంది హాజరు కాకూడదు. ఇంటివద్ద నిర్వహించే సామాజిక కార్యక్రమాలకు 30 మందికంటే ఎక్కువ హాజరవకూడదు. అల్ హోస్న్ యాప్‌లో గ్రీన్ స్టేటస్, నెగెటివ్ పీసీఆర్ టెస్ట్ రిజల్ట్  (48 గంటల ముందు తీసుకున్నది), ఫేస్ మాస్కులు ధరించడం, భౌతిక దూరం పాటించడం వంటివి సామాజిక కార్యక్రమాల్లో పాటించాలి. ఎప్పటికప్పుడు తనిఖీల్ని అధికారులు చేపడతారు, ఉల్లంఘనులపై చర్యలు తీసుకుంటారు.