సౌదీ: వాణిజ్య సంస్థలు, మాల్స్ ల్లో ప్రవేశించడానికి కొత్తగా బార్‌కోడ్ స్కానింగ్‌ ఎంట్రీ మెకానిజమ్‌ ను ప్రవేశపెట్టినట్లు వాణిజ్య మంత్రిత్వ శాఖ ప్రతినిధి అబ్దుల్ రెహ్మాన్ అల్-హుస్సేన్ తెలిపారు.

ప్రతి వాణిజ్య సంస్థ తన ప్రవేశ ద్వారం వద్ద ఆటోమేటిక్ హెల్త్ స్టేటస్ వెరిఫికేషన్ పర్మిట్‌ల కోసం కోడ్‌ను అందించాల్సి ఉంటుందని అల్-హుస్సేన్ చెప్పారు. వాణిజ్య సంస్థలు ఉద్యోగులకు స్కానింగ్కోడ్ కేటాయించవలసి ఉంటుందని, తవక్కల్నా అప్లికేషన్ లో వారి ఆరోగ్య స్థితిని తనిఖీ చేయడానికి బార్‌కోడ్‌ను స్కాన్ చేయాల్సి ఉంటుందని అల్-హుస్సేన్ తెలిపారు. రిటైల్ రంగంలోని కిరాణా, లాండ్రీలు, బార్బర్ షాపులు, టైలరింగ్ షాపుల వంటి అన్ని చిన్న దుకాణాలను కూడా ఇందులో చేర్చినట్లు ఆయన స్పష్ట చేశారు. ఈ కొత్త వెరిఫికేషన్ మెకానిజం సర్వీస్ వాణిజ్య సంస్థలు, మాల్స్‌లో కరోనావైరస్ను నిరోధించడానికి ముందు జాగ్రత్త చర్యలను తీసుకోవడంలో సహాయపడుతుందని అల్-హుస్సేన్ తెలిపారు.