కువైట్: ట్రావెల్ కు సంబంధించి కొత్త క్యాబినెట్ నిర్ణయాలు అమల్లోకి వచ్చాయి. కువైట్ అంతర్జాతీయ విమానాశ్రయానికి దాదాపు 10,000 మంది ప్రయాణికులతో కూడిన 65 విమానాలు వచ్చాయి. అదే సమయంలో వివిధ దేశాలకు 99 విమానాలు బయలుదేరాయి. కువైట్ ఇంటర్నేషనల్ ఎయిర్‌పోర్ట్‌లో ప్రయాణాలు సాధారణంగా సాగుతున్నాయి. ఇండియా, ఈజిప్ట్, బంగ్లాదేశ్, సౌదీ అరేబియా, లండన్, టర్కీ, పారిస్ నుండి విమానాశ్రయానికి విమాన ప్రయాణాలు సాధారణంగా కొనసాగుతున్నాయి. విమాన షెడ్యూల్లో ఎలాంటి మార్పులు లేవని, ప్రయాణికుల్లో ఆరోగ్య అవగాహన పెరగడంతో సమస్యలు తలెత్తడం లేదని అధికారులు తెలిపారు.