బహ్రెయిన్: సవరించిన వ్యాట్ పేరుతో బేసిక్ ఫుడ్ రేట్ల పెంపుపై పరిశ్రమలు, వాణిజ్యం, పర్యాటక మంత్రిత్వ శాఖ దుకాణదారులను హెచ్చరించింది. ఎటువంటి కారణం లేకుండా బేసిక్ ఫుడ్ ఐటమ్స్ ధరలను పెంచడం పట్ల దుకాణాలకు హెచ్చరిక జారీ చేసింది. నిన్న అమల్లోకి వచ్చిన విలువ ఆధారిత పన్ను రేటు(వ్యాట్)లో 94 బేసిక్ ఫుడ్ ఉత్పత్తులను మినహాయించారు. ఈ మేరకు బేసిక్ ఫుడ్ ఉత్పత్తుల రేటును సర్దుబాటు చేయాల్సి ఉంది. కానీ కొందరు దుకాణదారులు పాతరెట్లను తగ్గించాల్సి పోయి పెంచి అమ్ముతున్నట్లు ఫిర్యాదులు రావడంతో మంత్రిత్వ శాఖ స్పందించింది. నిబంధనలు ఉల్లంఘించిన వారిపై తక్షణమే చర్యలు తీసుకుంటామని సోషల్ మీడియా ద్వారా హెచ్చరించింది.