యూఏఈ: COVID-19 మహమ్మారిని ఎదుర్కోవడానికి ఫెడరల్ ప్రభుత్వ స్థాయిలో అమలు చేసిన చర్యలను యూఏఈ అప్‌డేట్ చేసింది. ఈ మేరకు శనివారం అన్ని మంత్రిత్వ శాఖలు, సమాఖ్యలకు సర్క్యులర్ జారీ చేసింది. COVID-19 నివారణ చర్యలకు సంబంధించిన అన్ని తీర్మానాలను అమలు చేయాలని సర్క్యులర్ లో నిర్దేశించారు. మంత్రిత్వ శాఖలు, ఫెడరల్ అధికారులు తమ ఉద్యోగులందరూ COVID-19 వ్యాక్సిన్ బూస్టర్ షాట్‌ను అందుకున్నారని నిర్ధారించుకోవాలని సూచించారు. ఈ సర్క్యులర్‌ను జారీ చేసిన తేదీ నుండి ఒక నెలలోపు ఫెడరల్ ప్రభుత్వ ఉద్యోగులందరూ బూస్టర్ షాట్ తీసుకొని AlHosn యాప్‌లో గ్రీన్ పాస్‌ని అప్ డేట్ చేసుకోవాలని సూచించింది.