ఖతార్: ఖతార్ అంతర్గత వ్యవహారాల మంత్రిత్వ శాఖ వీసాల గడువు దాటిన వారికి రెండవ సారి గ్రేస్ పీరియడ్‌ను పొడిగించింది. గ్రేస్ పీరియడ్ డిసెంబర్ 31, 2021తో ముగియాల్సి ఉండగా.. దీనిని మార్చి 31, 2022 వరకు పొడిగించింది. వర్క్ వీసా నియమాలు లేదా కుటుంబ విజిట్ వీసా నిబంధనలను ఉల్లంఘించిన వారు తాజా గడువు లోపు వాటిని సరిదిద్దుకునేందుకు అప్లై చేసుకోవచ్చు. వ్యాపార యజమానులు, బహిష్కృత కార్మికుల ప్రయోజనాలను పరిగణనలోకి తీసుకుని ఈ నిర్ణయం తీసుకున్నట్లు అధికారులు తెలిపారు.