ఖతార్: ఖతార్‌లోకి ప్రవేశించేటప్పుడు ప్రయాణీకుల ఎంట్రీని వేగవంతం చేయడానికి Ehteraz వెబ్‌సైట్‌లో "ఖతార్ పోర్టల్‌లోకి ట్రావెల్ ఎంట్రీ" ఆప్షన్ ను ప్రవేశ పెట్టారు. దీంట్లో వ్యాక్సినేషన్ సర్టిఫికేట్‌లు, PCR పరీక్షలు, హోటల్ క్వారంటైన్‌తో సహా మీ క్వారంటైన్-సంబంధిత సమాచారాన్ని ముందుగానే ఆన్‌లైన్‌లో సమర్పించ వచ్చని ఎయిర్‌పోర్ట్ పాస్‌పోర్ట్స్ డిపార్ట్‌మెంట్ కెప్టెన్ అబ్దుల్ అజీజ్ అల్ రుమ్హైహి తెలిపారు. ఖతార్‌కు తిరిగి వచ్చే వ్యక్తులకు, ప్రత్యేకించి పిల్లలతో ప్రయాణిస్తున్న వారికి ప్రయోజనం చేకూర్చేందుకు ఈ పోర్టల్ ఉద్దేశించబడిందన్నారు. 18 సంవత్సరాలు లేదా అంతకంటే ఎక్కువ వయస్సు ఉన్న సిటిజన్స్, రెసిడెంట్స్ లకు ఇ-గేట్‌లను ఉపయోగించడానికి కూడా ఈ సర్వీస్ అనుమతిస్తుంది. ప్రవాసులు దేశంలోకి ప్రవేశించడానికి కనీసం మూడు రోజుల ముందు Ehteraz వెబ్‌సైట్‌లో నమోదు చేసుకోవాలి. వారి పత్రాలను అప్‌లోడ్ చేసి వెబ్‌సైట్‌లో ప్రీ-రిజిస్ట్రేషన్ చేసుకొవాలి. ప్రయాణము సమయంలో ఒరిజినల్ PCR టెస్ట్ రిపోర్ట్ వెంట తీసుకు రావాలి.