కాంతుల 'సంక్రాంతి'
- January 16, 2022తెలుగు ప్రజల సంస్కృతి సంప్రదాయాల పండుగ
ధనుర్మాసారంభం ఆధ్యాత్మికత సమైక్యత పండుగ
పల్లెలన్ని మురిసి మెరిసిపోయే నిండైన పండుగ
చలిపులికి వెరవక భానుడి వెలుగులు గోచరించకముందే ముంగిళ్ళలో రంగురంగుల రంగవల్లులతో భూమాతని అతివలు ముస్తాబుచేసి గొబ్బెమ్మలు తంగేడు పూలతో అలంకరించి గుమ్మాలకి మామిడితోరణాల శోభనొసగి
ముద్దుగారే ముద్దబంతులు ఆహ్వానం పలికే పండుగ
భగభగమండే భోగభాగ్యాలతో చెడుని తరిమికొట్టి
మంచికోరుతు చిన్నారులని దీవించె భోగిపండ్ల పండుగ
కొత్త పంటరాకతో కళకళలాడే రైతన్నల ఆశలకి
సేద్యంలో తోడైన గోమాతని పూజించే పండుగ
నోరూరించే ఘమఘమలు పిండివంటల పండుగ
కొత్త ధాన్యంతో పొంగిపోయే పొంగళ్ళు పండుగ
మదిమదిలో ఉప్పొంగే ఆనంద పరవళ్ల పండుగ
అంబరాన్నంటే పతంగులు ఎగురవేయు పండుగ
పసుపు కుంకుమలు ఇచ్చిపుచ్చుకునే పండుగ
నూతనవస్త్ర ధారణతో ఇంటిల్లిపాదీ మురిసే పండుగ
చిన్నపెద్ద బంధువులతో ఉరుకుల పరుగుల కేరింతలతో
కొత్త అల్లుళ్ళ రాకతో బావమరదళ్ళు ఆటపాటలతో
కోలాటాలతో కోలాహలంగా సాగిపోయే పండుగ
హరిదాసు బసవన్న ఆటపాటల కోడిపందాల పండుగ
ఏటేటా నవ్యక్రాంతులు మోసుకొచ్ఛే కొత్త సంక్రాంతి
తెలుగు భాష తియ్యదనం గొప్పదనం తెలుసుకున్న
ప్రతి తెలుగువారు మన వారసత్వం నిలుపుకుంటూ శాంతి సౌభాగ్యాలతో కొత్త వెలుగులు నింపాలని కోరుకునే పండుగ తెలుగువారి పండుగగా అవతరించింది మకరసంక్రాంతి.
--యామిని కొళ్లూరు(అబుధాబి)
తాజా వార్తలు
- ప్రత్యేక లేబర్ డే ట్రీట్.. 16 మంది కార్మికులకు అరుదైన అవకాశం
- రవాబీ హైపర్మార్కెట్లో మ్యాంగో ఫియస్టా ప్రారంభం
- అవినీతి లేదా రాజద్రోహానికి పాల్పడిన అధికారులకు 'హిస్ ఎక్సలెన్సీ' బిరుదు తొలగింపు
- వరల్డ్ ప్రెస్ ఫ్రీడమ్ ఇండెక్స్ 2024..18 స్థానాలు ఎగబాకిన ఒమన్
- దుబాయ్ ఆర్ట్ గ్యాలరీలో అమ్మకానికి 'పురాతన సముద్రపు డ్రాగన్' పుర్రె
- తల్లిదండ్రులకు స్కూల్ ఫీజు పెంపు నోటిఫికేషన్లు
- తిరుమలలో భక్తుల రద్దీ..
- ఫేక్ యాప్స్కు గూగుల్ చెక్
- ఖలిస్థానీ ఉగ్రవాది హత్య కేసు.. ముగ్గురు భారతీయులు అరెస్టు
- బంగారం స్వచ్ఛతను తనిఖీ చేసే ఐదు సులభమైన మార్గాలు