సౌదీ అరేబియాలో పలు నగరాలు మంచు దుప్పటిని చవిచూస్తున్నాయి. సున్నా డిగ్రీల కంటే తక్కువ ఉష్ణోగ్రతలు నమోదవుతున్నాయి. గడచిన కొన్నేళ్ళుగా లేని ప్రత్యేక పరిస్థితులు సౌదీ అరేబియాలో కనిపిస్తున్నాయి. మైనస్ మూడు డిగ్రీల ఉష్ణోగ్రత నమోదవుతుండడంతో ఆయా ప్రాంతాల్లో దట్టమైన మంచు పేరుకుపోతోంది. తురైఫ్ ప్రాంతంలో మైనస్ ఆరు డిగ్రీల ఉష్ణోగ్రత నమోదయ్యింది. గడచిన ముప్ఫయ్ ఏళ్ళలో సౌదీ అరేబియాలో నమోదయిన అత్యల్ప ఉష్ణోగ్రత ఇదే.