మస్కట్: ఆదాయపు పన్ను చట్టాన్ని ఉల్లంఘించినందుకు ఇద్దరు వ్యక్తులకు అమెరత్ విలాయత్‌లోని కోర్ట్ ఆఫ్ ఫస్ట్ ఇన్‌స్టాన్స్ కోర్టు.. RO2,000 జరిమానా, 6 నెలల జైలు శిక్ష విధిస్తూ తీర్పు(నం 28/2009)ను ఇచ్చింది. ఆదాయపు పన్నుకు సంబంధించి సరైన డేటాను అందివ్వని కారణంగా వీరిపై కోర్టు చర్యలు తీసుకుందని పన్ను అథారిటీలోని ఒక అధికారి తెలిపారు. అలాగే శిక్షాకాలం ముగియగానే వారిని దేశం నుంచి శాశ్వతంగా బహిష్కరించాలని కూడా కోర్టు తన తీర్పులో వెల్లడించింది. టాక్స్ అథారిటీ లీగల్ డిపార్ట్ మెంట్ డైరెక్టర్ డాక్టర్ అబ్దుల్ హకీమ్ బిన్ సలీమ్ అల్ హార్తీ మాట్లాడుతూ.. ఇద్దరు వ్యక్తులు పన్ను ఎగవేతలను పాల్పడినట్లు సమాచారం అందడంతో వారిని విచారించామన్నారు. తప్పుడు పన్ను రిపోర్టులను సమర్పించినట్లు గుర్తించి, కేసు ఫైల్ చేసి పబ్లిక్ ప్రాసిక్యూషన్‌కు పంపామన్నారు.