దుబాయ్: 5,000 దిర్హామ్‌లను తిరిగిచ్చినందుకు దుబాయ్ పోలీసులు ఆసియన్‌ను సన్మానించారు. అల్ ఖుసైస్ పోలీస్ స్టేషన్ పరిధిలో దొరికిన 5,000 దిర్హామ్ ల నగదును ఒక ఆసియా జాతీయుడు అబ్దుల్‌సబూర్ చౌదరి ముహమ్మద్‌ పోలీసులకు అందజేశారు. అతని నిజాయితీని మెచ్చిన బ్రిగేడియర్, అల్ ఖుసైస్ పోలీస్ స్టేషన్ యాక్టింగ్ డైరెక్టర్ అబ్దుల్‌హలీమ్ ముహమ్మద్ అహ్మద్ అల్ హషిమి అతన్ని సత్కరించారు. ఈ సందర్భంగా అల్ హషిమి మాట్లాడుతూ.. ప్రజలు, పోలీసులు సహకార ప్రాముఖ్యతను తెలియజేశారు. కమ్యూనిటీ భాగస్వామ్యం, సామాజిక బాధ్యత భావనను బలోపేతం చేయడానికి దుబాయ్ పోలీసులు కృషి చేస్తున్నారన్నారు. నిజాయితిని చాటుకున్న ముహమ్మద్‌కు రివార్డ్ ఇవ్వడం జరుగుతుందని ఆయన తెలిపారు. తనను గౌరవించినందుకు దుబాయ్ పోలీసులకు ముహమ్మద్ కృతజ్ఞతలు తెలిపారు.