తమిళ నటులు జయంరవి, హన్సిక జంటగా రూపుదిద్దుకుంటున్న చిత్రం 'బొగన్‌'. ఈ చిత్రం షూటింగ్‌లో మంగళవారం పాల్గొన్నట్లు కథానాయకి హన్సిక ట్విట్టర్‌ ద్వారా తెలిపారు. ప్రభుదేవా స్టూడియోస్‌ పతాకంపై నిర్మిస్తున్న ఈ చిత్రం షూటింగ్‌ మార్చి 18న చెన్నైలో ప్రారంభమైంది. ప్రస్తుతం హన్సిక, జయంరవి పాత్రలకు సంబంధించిన చిత్రీకరణ జరుగుతోంది. ఈ సందర్భంగా నటి హన్సిక మాట్లాడుతూ... తను నటించిన 'రోమియో జూలియెట్‌' దర్శకుడు లక్ష్మణ్‌, జయంరవితో మళ్లీ కలిసి పనిచేయడం చాలా సంతోషంగా ఉందన్నారు. రవితో తాను నటిస్తున్న మూడో చిత్రమిదని, తన పాత్ర చాలా బావుంటుందని పేర్కొన్నారు.