కువైట్: సెంట్రల్ స్టాటిస్టిక్స్ డిపార్ట్ మెంట్ లేబర్ మార్కెట్ గణాంకాలను విడుదల చేసింది. దాని ప్రకారం.. కువైట్‌లకు సగటు నెలవారీ జీతం నెలకు 1,490 దినార్లు కాగా, కువైటీయేతరులది 331 దినార్లుగా ఉంది. ప్రభుత్వ రంగంలో కువైటీల సగటు జీతం 1539 దినార్లు కాగా, ప్రభుత్వ రంగంలో కువైటీలు కాని వారి వేతనం 732 దీనార్లు అని గణాంకాలు చెబుతున్నాయి. ప్రైవేట్ రంగంలో  కువైట్‌లకు సగటు నెలవారీ జీతం 1252 దినార్‌లు, కువైటీలు కానివారికి 311 దినార్లుగా ఉంది. కువైట్‌లోని స్త్రీ, పురుషుల మధ్య సగటు జీతాల్లో అంతరం ఉందని కూడా గణాంకాలు స్పష్టం చేస్తున్నాయి. కువైట్ పురుషుల సగటు జీతం 1801 దినార్లు, కువైట్ మహిళల సగటు జీతం 1,261 దినార్లుగా ఉన్నట్లు గణంకాల్లో పేర్కొన్నారు.