హైదరాబాద్: తెలంగాణలో కరోనా వ్యాప్తి తగ్గుముఖం పట్టింది. కొత్త కేసులు భారీగా తగ్గాయి. గడిచిన 24 గంటల్లో రాష్ట్రంలో కొత్తగా 1,061 పాజిటివ్‌ కేసులు నమోదయ్యాయి. రాష్ట్రంలో ఇప్పటివరకు నమోదైన కేసుల సంఖ్య 7,79,971కి చేరింది. గత 24 గంటల వ్యవధిలో రాష్ట్రంలో కరోనాతో ఒకరు ప్రాణాలు కోల్పోయారు.

ఇప్పటివరకు రాష్ట్రంలో కోవిడ్ మరణాల సంఖ్య 4,102కి చేరింది. కరోనా బారి నుంచి నిన్న 3,590 మంది కోలుకున్నారు. రాష్ట్రంలో ప్రస్తుతం 21,470 కోవిడ్ యాక్టివ్‌ కేసులు ఉన్నాయి. జీహెచ్‌ఎంసీ పరిధిలో 274 కేసులు నమోదయ్యాయి. గడిచిన 24 గంటల వ్యవధిలో రాష్ట్రంలో 69,892 కరోనా నిర్ధారణ పరీక్షలు చేశారు. ఈ మేరకు వైద్య ఆరోగ్యశాఖ బులిటెన్‌ విడుదల చేసింది. సోమవారంతో(1,380) పోలిస్తే మంగళవారం కోవిడ్ పాజిటివ్ కేసుల సంఖ్య తగ్గింది.