కువైట్: 16 ఏళ్లు అంతకంటే ఎక్కువ వయస్సు ఉన్న ప్రతి ఒక్కరికీ కరోనా వ్యాక్సిన్ బూస్టర్ డోస్ ఇవ్వనున్నట్లు ఆరోగ్య మంత్రిత్వ శాఖ ప్రకటించింది. రెండవ డోస్ తీసుకున్న 6 నెలల తర్వాత బూస్టర్ డోస్ వేయనున్నారు. 40 ఏళ్లు అంతకంటే ఎక్కువ వయస్సు గల ఎవరైనా దేశంలోని అన్ని వ్యాక్సిన్ కేంద్రాలలో ముందస్తు అపాయింట్‌మెంట్ లేకుండానే బూస్టర్ డోస్ తీసుకోవచ్చని హెల్త్ మినిస్ట్రీ స్పష్టం చేసింది.  అయితే 40 ఏళ్లలోపు వారు మాత్రం అపాయింట్‌మెంట్ తీసుకోవాలని తెలిపింది.