మస్కట్: సుల్తాన్ ఖబూస్ స్ట్రీట్‌ను తాత్కాలికంగా మూసివేస్తున్నట్లు మస్కట్ మునిసిపాలిటీ ప్రకటించింది. ఫిబ్రవరి 13 వరకు ఈ అదేశాలు అమల్లో ఉంటాయని మస్కట్ మునిసిపాలిటీ స్పష్టం చేసింది. డైరెక్టరేట్ జనరల్ ఆఫ్ ట్రాఫిక్ సహకారంతో మస్కట్ మునిసిపాలిటీ స్ట్రీట్ లోని దెబ్బతిన్న భాగాన్ని పునరుద్ధరించడానికి వీలుగా ఫిబ్రవరి 13 వరకు సుల్తాన్ ఖబూస్ స్ట్రీట్ (బుర్జ్ అల్ సహ్వా రౌండ్‌అబౌట్ వైపు.. అల్ మవాలే వంతెన తర్వాత) పాక్షికంగా మూసివేయబడుతుందని మస్కట్ మునిసిపాలిటీ ప్రకటించింది. ప్రజలు ప్రత్యామ్నాయ రోడ్లను ఎంచుకోవాలని, ట్రాఫిక్ సూచనలను పాటించాలని మున్సిపాలిటీ కోరింది.