యూఏఈ: డ్రోన్ల ప్లయింగ్ తోపాటు తేలికపాటి స్పోర్ట్స్ ఎయిర్‌క్రాఫ్ట్ ల కార్యకలాపాలను నిలిపివేయాలని అంతర్గత వ్యవహారాల మంత్రిత్వ శాఖ ఉత్తర్వులు జారీ చేసింది. తదుపరి నోటీస్ ఇచ్చే వరకు వీటిపై నిషేధం కొనసాగుతుందని ఉత్తర్వుల్లో స్పష్టం చేసింది. డ్రోన్‌ల వినియోగాన్ని కొందరు దుర్వినియోగం చేయండం, అనుమతులు లేని ప్రాంతాలలో ఎగురవేయడాన్ని గుర్తించిన తర్వాతే గత నెలలో తీసుకున్న నిషేధ ఉత్తర్వులను తాజాగా మరోసారి పొడిగించినట్లు అంతర్గత వ్యవహారాల మంత్రిత్వ శాఖ పేర్కొంది. నిషేధాన్ని ఉల్లంఘించిన వారికి Dh100,000 జరిమానా, జైలు శిక్ష కూడా విధించబడుతుందని హెచ్చరించింది.