కువైట్: గల్ఫ్ దేశాలు అభివృద్ధి బాటలో పయనిస్తుంటే.. కువైట్ మాత్రం ఎక్కడా లేని వింత ఆచారాలు, సంప్రదాయాల పేరిట వెనుకబడిపోతుదంటూ కువైటీ మేధావులు ఆందోళన వ్యక్తం చేస్తున్నారు. నైట్ సమయాల్లో విదేశీయులు స్వేచ్ఛగా కువైట్ హోటళ్లలో ఉంటుండగా.. కువైటీలు మాత్రం నైట్ సమయాల్లో మాత్రం హోటల్స్ లో స్టే చేసేందుకు వీలు లేదు.. ఇదెక్కడి చట్టం అంటూ ప్రశ్నిస్తున్నారు. విదేశీ మహిళలు స్వేచ్ఛగా తిరుగుతున్న కువైట్ లో స్థానిక మహిళలకు సంప్రదాయాల పేరిట ముందరి కాళ్లకు బంధాలు వేయడం సమంజసమా? అంటూ నిలదీస్తున్నారు. ఒక కువైట్ స్త్రీ బయటకు వెళ్లాలంటే 'మహ్రమ్' (వివాహం చేసుకోలేని బంధువు) తోడు ఉండాలి. వెనుకబడిన లేదా అభివృద్ధి చెందని దేశాలలో కనిపించే ఇలాంటి నిర్ణయాలు లేదా చట్టాలు కువైట్ లో ఇంకా అమల్లో ఉన్నాయని ఎత్తిచూపుతున్నారు. ఇలాంటి అర్థం లేని నిర్ణయాలు/చట్టాలతో కువైట్ అభివృద్ధి ఎలా సాధ్యం అవుతదంటూ కువైట్ మేధావి వర్గం ప్రశ్నిస్తోంది. మనల్ని మనం ప్రశ్నించుకునే సమయం వచ్చింది.. నిర్ణయాలు, చట్టాలు, ఆచారాలు, సంప్రదాయాలు.. ఎలా పిలిచినా ఇలాంటి వాటితో ప్రపంచంలోని పర్యాటక దేశాల మ్యాప్‌లో కువైట్‌ను నిలపగలరా? అంటూ ప్రశ్నిస్తున్నారు.