అబుదాబీలో కొత్త టూరిస్ట్‌ మరియు ఎంటర్‌టైన్‌మెంట్‌ డెస్టినేషన్‌ని 850 మిలియన్‌ దిర్హామ్‌లతో నిర్మించనున్నారు. ఇందులో రెసిడెన్షియల్‌ అపార్ట్‌మెంట్స్‌, రిటైల్‌ ఔట్‌లెట్స్‌, సినిమా హాల్‌, మెరినీ క్లబ్‌, కమ్యూనిటీ సెంటర్‌ వంటివి ఏర్పాటు కానున్నాయి. అల్‌ బరాఖా ఇంటర్నేషనల్‌ ఇన్వెస్ట్‌మెంట్స్‌ ఈ విషయాన్ని వెల్లడించింది. బుధవారం గ్రౌండ్‌ బ్రేకింగ్‌ సెర్మానీ షేక్‌ జాయెద్‌ గ్రాండ్‌ మాస్క్‌ సమీపంలో జరిగింది. అబుదాబీ మునిసిపాలిటీ అధికారులు ఈ కార్యక్రమానికి హాజరయ్యారు. 150,000 చదరపు మీటర్ల వైశాల్యంలో రూపొందుతున్న ఈ ప్రాజెక్ట్‌ 2018 నాటికి పూర్తి కానుంది. 2.5 కిలోమీటర్ల బూమిని అబుదాబీ మునిసిపాలిటీ నుంచి లీజుకు తీసుకున్నట్లు డెవలపర్స్‌ వెల్లడించారు. అల్‌ ఖానా పేరుతో ఈ ప్రాజెక్ట్‌ని రూపొందిస్తున్నారు. అల్‌ ఖానాలో 5000 మీటర్ల ఎత్తుగల అతి పెద్ద అక్వేరియంను ఏర్పాటు చేస్తారు. 98 మినీ యాచ్ట్స్‌తో మెరీనా క్లబ్‌ని ప్లాన్‌ చేశారు.