సౌదీ: దుబాలోని ఓడరేవు ద్వారా షిప్‌మెంట్‌లలో దాచి 1,109,393 క్యాప్‌గాన్ ట్యాబ్లెట్లను అక్రమంగా తరలించేందుకు జరిగిన నాలుగు ప్రయత్నాలను సౌదీ అరేబియా కస్టమ్స్ అధికారులు భగ్నం చేశారు. ఒక ట్రక్కులో వేర్వేరు ప్రాంతాల్లో దాచిన 95,782 ట్యాబ్లెట్లను గుర్తించగా.. మరో కేసులో ట్రక్కు ఫ్లోర్‌లో దాచిన 382,218 ట్యాబ్లెట్లను గుర్తించి సీజ్ చేశారు. మరో ఘటనలో చెక్క బల్లల రవాణాలో దాచి రవాణా చేస్తున్న 51,761 ట్యాబ్లెట్లను స్వాధీనం చేసుకున్నారు. ఇంకో కేసులో ట్రక్కు టైర్లలో దాచి రవాణా చేస్తున్న 579,632 ట్యాబ్లెట్లను కస్టమ్స్ అధికారులు గుర్తించి స్వాధీనం చేసుకున్నారు. ఈ నాలుగు కేసుల్లో నలుగురిని అదుపులోకి తీసుకున్నట్లు సౌదీ పోలీసులు తెలిపారు.