ముంబై: భారత్ మాజీ క్రికెటర్, సచిన్ టెండూల్కర్ చిన్ననాటి ఫ్రెండ్ అయిన వినోద్ కాంబ్లీ డ్రంక్ అండ్ డ్రైవ్ లో అరెస్ట్ అయ్యాడు.మద్యం సేవించి వాహనం నడుపుతూ ముందుగా వెళ్తున్న కారును ఢీ కొట్టాడు.ఈ ఘటన బాంద్రా సొసైటీలో చోటు చేసుకుంది.

వినోద్ కాంబ్లీ (50)పై ఫిర్యాదు చేయగా మోటార్ వెహికల్ యాక్ట్ 185ప్రకారం.. కేసు నమోదు చేశారు.అదే రోజు కాంబ్లీ బెయిల్ పై విడుదలయ్యాడు.ఘటన తర్వాత కాంప్లెక్స్ వాచ్‌మన్, పొరుగింటి వారితో గొడవపడినట్లు స్థానికులు చెబుతున్నారు.

సచిన్ టెండూల్కర్ తో పాటు క్రికెట్ నేర్చుకున్న కాంబ్లీ.. సోషల్ మీడియాలో యాక్టివ్ గా ఉంటాడు.ఇటీవలే ఇండియన్ ప్రీమియర్ లీగ్ లో భాగం కావాలనుందంటూ తెలిపాడు.గత ఏడాది డిసెంబరులో సైబర్ మోసం కేసు కూడా నమోదైంది.