UAE: కోవిడ్-వ్యాక్సిన్ వేయని ప్రయాణీకులు అబుదాబి అంతర్జాతీయ విమానాశ్రయానికి చేరుకున్న తర్వాత మళ్లీ పరీక్షలు చేసుకోవాల్సిన అవసరం లేదు. ఈ మేరకు అబుదాబి హెల్త్ మినిస్ట్రీ స్పష్టం చేసింది. ప్రయాణికులు తమ స్వంత ఖర్చుతో టెస్ట్ చేసుకోవచ్చు. ‘అరైవల్స్’ PCR టెస్ట్ చేయించుకోవడానికి Dh40 ఫీగా నిర్ణయించారు. వ్యాక్సిన్ వేసుకోని, అబుదాబికి వచ్చే అతిథులు తప్పనిసరిగా బయలుదేరిన 48 గంటలలోపు నెగిటివ్ PCR టెస్ట్ ను సమర్పించాలి. లేదా బయలుదేరిన 30 రోజులలోపు QR కోడ్‌తో కూడిన Covid-19 రికవరీ సర్టిఫికేట్‌ను సమర్పించాలి. 16 సంవత్సరాల కంటే తక్కువ వయస్సు ఉన్న పిల్లలకు మినహాయింపు ఉంది.