2016 ఫార్ములా 1 గల్ఫ్‌ ఎయిర్‌ బహ్రెయిన్‌ గ్రాండ్‌ ప్రిక్స్‌ అంగరంగ వైభవంగా సఖిర్‌లోని బహ్రెయిన్‌ ఇంటర్నేషనల్‌ సర్క్యూట్‌ (బిఐసి) వద్ద ప్రారంభమైంది. చాలా కాలంగా ఎదురు చూస్తోన్న ఈ ఫార్ములా 1 గ్రాండ్‌ ప్రిక్స్‌, అభిమానుల్ని అలరించనుంది. ఒక గంట, అరగంట ప్రాక్టీస్‌ సెషన్స్‌ 2 గంటలకు ప్రారంభమయ్యాయి. 6 గంటలకు రెండో సెషన్‌ ఫ్లడ్‌ లైట్స్‌ వెలుగులో ప్రారంభమవుతుంది. రేపు మూడు గంటల పాటు సుదీర్ఘమైన ప్రాక్టీస్‌ మధ్యాహ్నం 3 గంటల నుంచి సాయంత్రం 6 గంటల వరకు జరుగుతుంది. ఈ సంవత్సరం ఫార్ములా 1 గల్ఫ్‌ ఎయిర్‌ బహ్రెయిన్‌ గ్రాండ్‌ ప్రిక్స్‌లో ఆరోగ్యపరమైన ఇబ్బందులతో ఫెర్నాండో అలోన్సో పార్టిసిపేట్‌ చేయడంలేదు. మెర్సిడెస్‌, ఫెరారీ ఫేవరెట్స్‌గా ఉన్నాయి. మెర్సిడెస్‌ వరల్డ్‌ ఛాంపియన్స్‌. బహ్రెయిన్‌లో గత రెండు సీజన్లలో మెర్సిడెస్‌ విజేతగా నిలిచింది. మెర్సిడెస్‌కి ఫెరారీ మంచి కాంపిటీషన్‌ ఇవ్వనుంది.