ఒక స్థానిక దుకాణ సముదాయం వద్ద దుబాయ్ నివాసి ఆఫర్లో బిస్కెట్లు కొనబోతే చనిపోయిన ఒక ఈగ దాని తాలుకా గుడ్లు ఉచితంగా ఆయనకు లభించాయి. 50 ఏళ్ల దుబాయ్ నివాసి రాబర్టో ఘెర్గిఒ ( ఆయన పేరు మార్చబడింది ) ఒక  బిస్కెట్లు ప్యాకెట్ తెరిచి చూసి ఆశ్చర్యపోయాడు. దీంతో పురపాలక సంఘంకు ఒక ఫిర్యాదు చేశాడు. స్పందించిన దుబాయ్ మున్సిపాలిటీ బిస్కెట్లు తయారీ సంస్థకు జరిమానా విధించింది. ఈ మార్చి మొదటి వారంలో ఆయన స్థానిక కిరాణా దుకాణ సముదాయం వద్ద "   జీడిపప్పు కుకీలు గల ఆరు బిస్కట్ ప్యాకెట్ లు కొనండి...మరో రెండు  బిస్కట్ ప్యాకెట్లు ఉచితంగా పొందండి " అనే వాణిజ్య ప్రకటన చూసి ఘెర్గిఒ ఆశపడి వాటిని కొన్నాడు. ఎంత చవక ఎంత చవకని అని  రెండు ప్యాకెట్ల ఆనందంగా ఆరగించాడు. ఆ రుచికి ఆగలేక మూడవ బిస్కట్ ప్యాకెట్ తెరిచి ఒక బిస్కెట్లు నోటిలో పెట్టుకోబోతుండగా దానిపై  చనిపోయిన ఒక ఈగ, ఈగ గుడ్లు చక్కగా జీడిపప్పు మాదిరిగా అతుక్కుపోయి వెక్కిరిస్తూ ఆయనకు కనబడింది. బిస్కెట్లు ప్యాకేజింగ్ ప్రకారం, సెప్టెంబర్లో ముగిసిపోతున్నట్లు దానిపై ముద్రితమై ఉంది.