సౌదీ అరేబియా, మహిళలు ధరించే టైట్‌ అబయాస్‌ (గౌన్లు)పై బ్యాన్‌ విధించే దిశగా చర్యలు చేపట్టనుంది. పబ్లిక్‌ ప్రాంతాల్లో మహిళలపై హెరాష్‌మెంట్‌ పెరుగుతుండడంతో, మహిళల వస్త్రధారణపై ప్రత్యేకమైన దృష్టి సారించారు. షురా (పార్లమెంట్‌ అపాయింట్‌ చేసిన) ఈ అంశంపై త్వరలోనే చర్చించి, ఓ నిర్ణయం తీసుకోనున్నట్లు తెలియవస్తోంది. షురా ఎట్టి పరిస్థితుల్లోనూ బ్యాన్‌ విధించే దిశగా ఏకగ్రీవ నిర్ణయం తీసుకోవచ్చునట. టైట్‌ అబయాస్‌ ఇకపై పబ్లిక్‌ ప్లేసెస్‌లో మహిళలు ధరించకుండా ఈ కొత్త నిబంధనను విధించడం వల్ల, మహిళలపై వేధింపులు తగ్గుతాయని అంచనా వేస్తున్నారు.